Охриѓанецот Мартин Ивановски во понатамошниот дел од неговата кариера ќе настапува за моментално првопласирнаиот тим од Супер лигата – Алкалоид. Средниот бек во тимот од Автокоманда ќе се пресели од Еурофарм Пелистер 2, за вториот тим на битолчани настапуваше од сезона 2022/23.
Ивановски е дете на Охрид, таму ги мина сите младински категории, стигна до сениорскиот тим, во суперлигашкото друштво имаше забележителни партии, а sвоевремено беше дел од камп на унгарскиот гигант Веспрем. 23-годишниот ракометар беше на поширокиот список кај селекторот Лазаров за настапот на Светското првенство во јануари.