Трета година по ред МЗТ Скопје е освојувач на Купот на Македонија, откако во денешното финале во Гевгелија славеа над Кожув со 86-61 (23-15, 19-12, 21-22, 20-12). Аеродромци доминираа во текот на целиот натпревар, а домаќинот, односно организаторот на годинешниот завршен турнир, ја доби само третата четвртина, недоволно за поволен резултат.
Победничката екипа беше предводена од Маслинко со 17 и Крстевски со по 16 поени, додека кај Кожув се истакна Стевановиќ со 20 поени.