Во следната сезона, покрај ЖРК Атлетик од Скопје и ЖРК Јехона од Гостивар, нов член во единственото женско сениорско натпреварување во Македонија ќе биде ЖРК Гевгелија Југ. Овој нов клуб е наследник на ЖРК Гевгелија, а негов претседател ќе биде поранешната македонска репрезентативка Елма Пршеш Попова. Поранешната репрезентативка беше дел од поголемите успеси на македонската репрезентација ( СП 1997 и ЕП 1998).
,,Го наследуваме играчкиот состав комплетно од стариот клуб, сè уште не можам да потврдам дали само со тие играчи ќе влеземе во наредната сезона, зависи од многу други фактори”, изјави Пршеш Попова”.
Освен во сениорска конкуренција, од клубот најавија учество и во сите младински категории. Токму работата со младите ќе биде главниот фокус во новиот женски клуб.