Оваа недела започнуваат четвртфиналните натпревари во Третата кошаркарска лига. Пласман во ТОП 8, односно во разигрувањето за првак кај третолигашите, обезбедија екипите на Тетекс, Љуботен, Хераклеа, Овче Поле, Конзули, Гевгелија, МКК Вардар и Струмица Ролинг.
Четвртфинални двојки:
Тетекс – Конзули
Хераклеа – Љуботен
Овче Поле – Струмица Ролинг
Гевгелија – МКК Вардар
Првите натпревари ќе се одиграат на 5 април, а вторите на 9 април. Доколку биде потребен трет натпревар, тој ќе се одигра на 12 или 13 април.
Се игра на две добиени средби. Победниците од четвртфиналето ќе обезбедат пласман во полуфиналето, а финалистите во следната сезона ќе играат во второлигашката конкуренција. Екипите кои нема да се пласираат во финалето ќе играат за третото место.