Во рамките на 20. коло од Втората македонска кошаркарска лига, Бутел ќе се соочи со водечката екипа – Маџари.
Натпреварот ќе се одигра во салата „Иван Хаџи Николов“ во скопската населба Радишани, а покрај спортското значење, дуелот ќе има и хуманитарен карактер.
Домашниот клуб преку социјалните мрежи најави дека целосниот приход од билетите ќе биде наменет за помош на настраданите од трагичната несреќа што неодамна се случи во Кочани.
Билет за натпреварот кој се игра в сабота од 16:00 часот ќе чини 100 денари, а од Бутел очекуваат голем одзив од љубителите на кошарката.
View this post on Instagram