Екипата на Куманово во натпревар од 16. коло од плеј-оф фазата во Женската лига на свој терен беше подобар од Вардар со 27:26 (12:16). Една од најзаслужните за победата на домашниот тим беше Сара Цветановска, која натпреварот го заврши со четири погодци.
Цветановска веќе неколку сезони игра одлично во Женската лига, а освен што е сигурна и борбена на позицијата пивот, таа по потреба успешно се снаоѓа и на бековските позиции, што ѝ дава дополнителна вредност на екипата. Младата ракометарка се истакнува и со цврста и пожртвувана игра во одбраната.