Стратегот од Аргентина, Гиљермо Милано, повеќе не е тренер на македонскиот вицешампион Вардар.
Иако кон крајот на мај раководството на клубот и Милано постигнаа нов договор, сепак Аргентинецот нема да ги предводи „црвено-црните“ во следната сезона.
Причината за неговото заминување е добро позната на македонските ракометни љубители – поразот од Еурофарм Пелистер во последниот натпревар од сезоната, кој беше одлучувачки за шампионската титула.
Вардар во наредниот период треба да го соопшти името на новиот шеф на стручниот штаб.
