Репрезентацијата на Србија на стартот на Светското младинско првенство несреќно загуби од актуелниот бранител на титулата, селекцијата на Германија, со 30:29.
Одлична партија во дресот на Србија имаше Урош Митровиќ, кој во следните две сезони ќе го носи дресот на македонскиот вицепрвак Вардар.
Митровиќ натпреварот го заврши со седум погодоци од десет обиди и беше најефикасен во српскиот табор. Десниот бек на минута пред крајот имаше шанса да израмни, но не успеа во посакуваната цел.