Машката младинска репрезентација на Македонија на Светското првенство во Полска ќе се бори за пласман од 17 до 32 место, откако во првите две кола не успеа да оствари позитивен резултат против Фарски Острови и Романија.
Македонија утре го игра последниот натпревар од групната фаза против Исланд, по што следуваат натпреварите од разигрувањето.
На одиграните два натпревари, најмногу погодоци постигна Димитар Узунчев, кој реализираше 13 од 21 обид (62% успешност).
Мирче Калајџиески има 11 гола од 16 обиди, што е 69% реализација, а десното крило Ненад Белистојаноски засега е без промашување, има шест од шест.