Машката младинска репрезентација на Македонија ја забележа првата победа на Светското првенство во Полска. Избраниците на Раде Стојановиќ во натпреварот против Мексико одиграа доминантно и триумфираа со 41:21 (21:9).
Македонија со денешната победа освои два бода и ќе разигрува за пласман од 25 до 28 место на младинскиот Мундијал.
Најефикасен во редовите на Македонија беше Дамјан Субашевски со 12 гола, девет додаде Димитар Узунчев, а Ненад Белистојаноски имаше седум реализации. За МВП на натпреварот беше избран голманот Иван Галевски.