Тимот на Куманово се активираше на домашниот пазар и го обезбеди првото засилување за новата сезона. Станува збор за велешанецот Виктор Трифуновски, кој игра на позициите лев и среден бек. Тој доаѓа од редовите на Борец Фруит Ленд, клуб што беше исклучен од суперлигашкото натпреварување пред самиот крај на сезоната.
Трифуновски во својата кариера беше дел и од Аеродром, Борец и Вардар Јуниор, а ги има минато сите младински школи на „црвено-црните“.
Куманово успеа да го задржи столбот на одбраната – Христијан Крстаноски, па така новиот тренер Аце Станковски главно ќе се потпира на млади играчи.
Крстаноски во својата кариера настапуваше и за екиптие на Струга, Вардар Неготино и Металург РА.
Стружанецот на репрезентативно ниво играше за кадетската ракометна репрезентација 2018 година, како и за Б сениорскиот национален тим во 2021 година.