По речиси една деценија, љубителите на женскиот ракомет во Гостивар повторно ќе имаат можност да гледаат сениорски натпревари. Екипата на Јехона пријави сениорска екипа и од следната сезона ќе биде дел од Првата женска лига.
За поранешната ракометарка на Универс, Ина Курти, враќањето на женскиот сениорски ракомет во Гостивар буди емоции и навраќања на едно посебно време.
Во разговор за Спортска Димензија, таа се присети на деновите кога го остварувала својот детски сон, да игра ракомет на највисоко ниво, и тоа против идолите од Кометал Ѓорче Петров.
„Најпрво морам да ти се заблагодарам што се сети на мене и ме врати едно добри дваесетина години наназад, ме врати на моите почетоци и на играњето во Супер лига, на едно преубаво време. Слободно можам да кажам дека тоа беше време на остварување на еден детски сон – не само мој, туку и на голем дел од тогашните девојчиња кои игравме заедно. Како деца сонувавме да бидеме Кометал, а стасавме до таму да играме против тој Кометал, против нашите идоли – сестрите Аморим, Охоланга, Пецевска… и другите ѕвезди.“
Целиот разговор со Ина Курти можете да го погледнете на линкот во продолжение…
ЖРК Јехона го оживува женскиот сениорски ракомет во Гостивар