Иако се очекуваше дека Французинот Емануел Мајонад ќе биде новиот селектор на женската сениорска репрезентација на Србија, сепак РСС се реши за друго решение, а тоа е Шпанецот Хозе Инасио Прадес, кој доаѓа на местото на Бент Дал.
Искусниот стратег и ракометната куќа на Србија се договорија на тригодишна соработка. Сега Србија има двајца селектори од Шпанија, бидејќи машката сениорска селекција ја предводи поранешниот тренер на Вардар, Раул Гонзалез.
Србинките обезбедија учество на Светското првенство 2025, кое ќе се одржи во периодот од 26 ноември до 14 декември, а ко-организатори на Мундијалот се Германија и Холандија.
Во групната фаза, нашиот сосед за ривали ги има репрезентациите на Германија, Уругвај и Исланд.