Репрезентацијата на Турција ја запиша втората победа на Европското првенство 2025, откако во второто коло без многу мака ја совлада Чешка со 92-78.
Чесите ја добија само првата четвртина со 27-21, но во преостанатите 30 минути доминираа избраниците на Ергин Атаман.
Одличен настап за Турција повторно имаше охриѓанецот Џеди Осман, кој постигна 21 поен, а најдобар стрелец беше Алперен Шенгун со 23. Кај Чешка, исто така, се истакна Мартин Петерка со 23 поени.
Турција во првото коло славеше над Летонија со 93-73, а на тој дуел Осман имаше 20 поени.
Според прогнозите, првото место во групата А ќе се решава меѓу Турција и големиот фаворит за златото – Србија.