Еден од легендите на македонскиот ракомет, Петар Ангелов Диви, би можел да го има првиот тренерски предизвик на меѓународна сцена.
Ангелов во сезона 2022/23 имаше двојна улога како тренер-играч во Вардар Неготино и тогаш му донесе опстанок на клубот во суперлигашкото друштво. По таа сезона двете страни одлучија да се разделат.
Од тој период, популарниот Диви е без клупски ангажман, но сега на своја адреса има понуди од клубови од Франција, Шпанија и Обединетите Арапски Емирати, пишува српскиот портал „Rukometni Žurnal“.
Клубовите го посакуваат Ангелов за тренер на голманите, а дали поранешниот репрезентативецот на Македонија ќе прифати некоја од понудите, останува да видиме.
На интернационалната сцена, Ангелов настапуваше за француски Трембле, турската Анталија, германскиот Ратинген и австрискиот Кремс.
Во Македонија беше дел од Металург, Вардар, Тиквеш, Пелистер, Пролет и Вардар Неготино.
Петар Ангелов Диви го држи рекордот со најмногу одбрани на еден меч