Тимот на Алкалоид утре (31 август) против Хановер ќе го одигра првиот квалификациски натпревар за пласман во групната фаза од Лигата на Европа.
Бундеслигашот ќе биде домаќин на првата пресметка, а во „Свис Лајф Арена“ Алкалоид нема да биде сам.
Во организација на Македонскиот клуб „Илинден“ од Лацен, Хановер, распродадени се сите билети за гостинскиот блок.
Вкупно 250 наши сонародници кои живеат во Хановер и околината ќе бидат на трибините, па Алкалоид ќе има силна поддршка во обидот да стигне до поволен резултат пред реваншот, кој е закажан за 6 септември во спортската сала „Автокоманда“.