Словенечкиот репрезентативец Клемен Ферлин би можел да се пресели во редовите на македонскиот вицепрвак Вардар, пренесува „RTHandball“.
Голманот на Келце, според истиот извор, бил во преговори со Вардар и со Фуксе Берлин за можен трансфер од следната сезона. Дали шпекулациите ќе се остварат и Ферлин ќе го облече дресот на еден од двата клуба, останува да видиме.
Ферлин со Келце има договор до лето, но најверојатно тој нема да биде продолжен.
Пред извесен период, како потенцијално ново засилување на „црвено-црните“ беше споменуван и швајцарскиот репрезентативец Николас Портнер.