Машката кадетска репрезентација на Македонија утре ќе ги започне квалификациите за пласман на Европското кадетско првенство 2026, кое ќе се одржи во соседна Србија.
Домаќин на квалификациската група Д ќе биде Луксембург, а освен домаќинот и Македонија, во групата ќе учествуваат уште Финска (прв ривал во квалификациите) и нашиот јужен сосед, репрезентација против која ќе играме в сабота.
Најдобрите две репрезентации ќе обезбедат пласман на Европското кадетско првенство, а селекторот Горан Кузманоски за квалификацискиот циклус ќе смета на 18 ракометари кои доаѓаат од домашните клубови.
Нашите кадети имаа добри подготовки – настапија на турнирот „Марко Божиновски“ во Скопје, играа на ЕМОФ, одиграа неколку контролни дуели против домашни клубови и учествуваа на силниот турнир „Трофеј Карпати“ во Романија.
Македонија утре ќе игра против Финска (31 октомври, во 16:00 часот), на 1 ноември против Грција (во 14:30 часот), додека во последното коло од квалификациската група Д ќе се сретне со Луксембург (на 2 ноември, во 15:30 часот).