Екипата на Стружанка на свој терен славеше против тимот на Шампион со 44:8 во рамките од 7. коло од Првата женска лига.
Стружанки одиграа фуриозно во двете полувремина против гостинскиот тим, кој допатува со само 10 ракометарки, па дилемите беа само со колкава разлика ќе победат домаќинките.
Најефикасни во победничката екипа беа Еџе Сејадин и Маја Раткушиноска, двете имаа по девет погодоци, седум додаде Јана Петреска, а шест реализации имаше Михаела Глигороска.