Македонската интернационалка Симона Василева оваа сезона се врати во Босна и Херцеговина, поточно во тимот на Груде, клуб каде што ја започна својата интернационална кариера.
По успешниот период во грчкиот Атинаикос, со кој ја освои титулата во тамошната Прва лига, Василева повторно го облече дресот на босанскиот суперлигаш.
Во новата сезона таа има двојна улога во Груде, работи и како тренер во младинските категории на клубот, што претставува нова страница и предизвик во нејзината кариера.
На домашната сцена, Василева настапуваше за екипите на Ѓорче Петров, Вардар, Спартак и Металург. Со Ѓорче Петров освои две шампионски титули во сезоните 2021/22 и 2022/23.