Младинскиот тим на Тиквеш во натпревар од 10. коло од младинската лига славеше во соседската пресметка против Вардар Неготино со 46:33. За кавадарчани ова беше четвртата сезонска победа, и втора по ред по онаа над Вардар во претходното коло.
Нерешено беше само на стартот (1:1, 2:2), а сè останато мина во знакот на домаќините, кои на полувреме заминаа со предност од 21:11 и со ист ритам продолжија во вториот дел, во кој практично двете екипи не играа одбрана.
Кавадарчани во соседската пресметка беа предводени од Зоран Наумов, кој одигра одлично и натпреварот го заврши со 12 погодоци, а придонес во убедливиот триумф имаа и Мартин Тодоров (7), Матеј Петрески (6), Марио Ѓорѓиев (5)…
Во таборот на Вардар Неготино, Лазар Кузев беше најрасположен со дури 15 реализации, девет погодоци имаше Јован Јовановски, а осум додаде Петар Велков, но одличната партија на тројцата не беше доволна за поволен резултат за неготинци.
Младинска машка лига, 10. коло, резултати:
Пролет – Еурофарм Пелистер 2 33:32 (14:13)
Тиквеш – Вардар Неготино 46:33 (21:11)
Алкалоид – Еурофарм Пелистер 43:29 (18:12)
Мулти Есенс – Бутел 32:29 (14:13)
30/11, 17:00, Куманово – Вардар