Поранешниот репрезентативец на Македонија, Дарко Кондев, кој веќе две години живее во САД, продолжи со ракометот во новата средина.
Екс членот на Тиквеш игра за тимот на Денвер, а на првите два одиграни турнири од американскиот шампионат се најде меѓу најдобрите пет стрелци.
Кондев во Македонија, покрај Тиквеш, настапуваше и за првиот и вториот тим на Металург. Додека беше дел од Тиквеш, редовно беше меѓу најдобрите стрелци, но и меѓу најдобрите крила во македонската Супер лига.
Репрезентацијата на САД веќе се подготвува за настапот на Олимписките игри во Лос Анџелес (2028), а Кондев со своето искуство и квалитет се наметнува како еден од носителите на играта во својот тим, но и како важна алка во развојот на ракометот во Америка.
Левото крило на репрезентативно ниво имаше забележано настапи за кадетската и младинска репрезентација на Македонија, а неколку пати беше и на поширокиот список кај сениорите.