Македонската репрезентација денеска ќе игра против Романија во рамките на последното коло од групната фаза на Европското првенство, кое се одржува во Данска, Норвешка и Шведска.
Дали ќе избориме пласман во главната фаза или ќе се вратиме дома, најпрвин ќе зависи од исходот на нашиот натпревар, а доколку победиме, и од резултатот од дуелот меѓу Данска и Португалија.
Доколку се поклопат коцките и нашата репрезентација заврши на второто место во групата Б, тогаш во главната фаза ќе се соочиме со силни ривали – Франција, Норвешка, Германија и Шпанија.
Овие четири репрезентации, покрај натпреварот против нас, би играле и против Данска, што ја прави оваа група вистински „пекол“.
Македонија и Романија ќе играат вечерва од 18:00 часот.