Денеска стартуваше вториот дел од сезоната во најквалитетното домашно кошаркарско натпреварување, а Тиквеш пред својата публика славеше над Гостивар со 81:73 (21:23, 21:21, 13:17, 26:12).
Кавадарчани до победата дојдоа со одличната игра во последната четвртина, а најзаслужен за триумфот беше Стефан Глигоријевиќ, кој забележа 23 поени, седум скока и една асистенција. Џаванте Хокинс постигна 21 поен. Кај Гостивар, Јован Црниќ беше најрасположен со 25 поени.
За Тиквеш ова беше четврта победа сезонава, додека Гостивар останува со само две победи.