Тимот на Бутел Скопје, со победата против Тиквеш од 33:25 во последното коло од регуларниот дел од Супер лигата, си обезбеди пласман во плеј-оф фазата.
Кавадарчани, на две кола пред крајот, обезбедија ТОП 6, а останатите четири екипи кои ќе разигруваат за титулата се Алкалоид, Охрид, Вардар и актуелниот шампион Еурофарм Пелистер.
22. коло ќе биде комплетирано со дуелот меѓу Охрид и Пролет. Охриѓани поради европски обврски дуелот со скопскиот тим ќе го одиграат по враќањето од Чешка.
Во плеј-аутот, односно во битката за опстанок, ќе се борат Еурофарм Пелистер 2, Прилеп, Пролет, Куманово, Струга и Радовиш.