На денешната седница на управниот одбор на РФМ беа донесени неколку важни одлуки поврзани со функционирањето на националните селекции, инфраструктурните проекти и организацијата за Купот на Македонија.
Управниот одбор ги утврди и термините за завршницата на Купот на Македонија во машка и женска конкуренција. Домаќин на финалниот турнир ќе биде Струмица, а Ф4 во машка конкуренција обезбедија Вардар, Еурофарм Пелистер, Охрид и Алкалоид.
Завршниот турнир ќе се одигра во периодот од 17 до 19 април, а истиот распоред ќе важи и за женската конкуренција.
На Управниот одбор се даде и зелено светло за формирањето на две нови машки младински репрезентации – до 13 и до 15 години, со цел порана селекција и системска работа со младите таленти.
За селектор на репрезентацијата до 15 години е назначен Никола Матлиески, додека поранешниот репрезентативец Филип Миркуловски ќе ја предводи селекцијата до 13 години.