Македонскиот шампион Еурофарм Пелистер во натпревар од 7. коло од Лигата на шампионите конечно дојде до прв триумф, откако славеше на гостувањето во Данска кај Фредериција со 25:23 (9:12). Битолскиот тим со освоените два бода се позиционира на 6 место во групата А, сега има три, а зад него се Висла Плоцк и Фредериција со по два бода.
Најефикасен во тимот на Еурофарм Пелистер беше Филип Кузмановски со пет погодоци, еден помалку имаа Осама Хосни и Жарко Пешевски. Голманот Никола Митревски бранеше кога беше најпотребно и натпреварот го заврши со 15 интервенции.