Актуелниот шампион на Македонија, Баскет Кам, поведе со 1-0 против Крива Паланка во финалната серија од прволигашкиот плеј-оф. Домаќинките триумфираа со 66-47.
Иако гостинките од Крива Паланка добро се држеа, сепак, кога најмногу требаше попуштија и дозволија домашниот тим да дојде до висока победа.
Најзаслужна за триумфот беше Кметовска со 27 поени, а одлична партија имаше и Димова со 24 поени. Максимовска додаде уште осум поени во убедливиот триумф.
Кај Крива Паланка, најефикасна беше Робинсон со 13 поени, Меклејни постигна 12, а Ѓоргиевска заврши со 10 поени.