Еурофарм Пелистер ќе се бори за бронзата на Ф4 турнирот во младинската Лига на шампионите, откако во полуфиналето беше поразен од ГОГ Гудме со 36:21.
Ривал на избраниците на Фарук Мемиќ и Кире Митревски во мечот за третото место ќе биде подобриот од натпреварот меѓу Барселона и Веспрем. Данците го отворија натпреварот, но бргу возвратија пелистерци, а откако беше 2:2, Велевски погоди за 3:2 и прво водство на битолчани.
Во брзата игра, двете екипи грешеа, па така резултатот по пет минути игра беше 4:4. До петтата минута, голманот на Еурофарм Пелистер, Мелин Фехми, имаше три интервенции. Откако беше 4:4, ракометарите на ГОГ направија серија од 4:0 и кон средината на првиот дел се одлепија на 8:4. Кризата во таборот на македонскиот тим беше прекината со голот на Симоновски, кој намали на 8:5, но тимот од Данска започна постепено да ја зголемува предноста.
ГОГ во еден момент имаше предност од плус седум, 14:7, а пелистерци во завршниот дел од првото полувреме се обидуваа да се заканат и намалија на 15:12. Данците во последните две минути постигнаа два гола и на пауза заминаа со предност од 17:12.
За десет минути игра во вториот дел, ракометарите на ГОГ стигнаа до 24:13 и веќе тогаш беше јасно кој ќе биде патникот во финалето.