Екипата на Јехона им се врати на победите во прволигашката конкуренција, откако на свој терен славеше над Кичево со 35:24 (20:13).
Јехона сега има четири победи, односно осум бода, додека Кичево останува на дното на табелата без освоен бод.
Домаќините немаа никакви проблеми да стигнат до убедливиот триумф, а во победата на Јехона се истакна Адис Салиу, кој постигна 14 погодоци, по пет имаа Бојан Давидоски, Михајло Живкоски и Новица Михајлоски.
Во тимот на Кичево, Славко Бошковиќ и Петар Стерјоски беа најефикасни со по шест погодоци, еден помалку (5) имаше Александар Зафироски.