Амбициозниот прволигаш Младост во натпревар од 12. коло славеше над Аеродром со 36:31 и сега тимот предводен од Горан Андоновски има учинок од 11 победи на 11 натпревари.
На денешниот дуел одигран во спортската сала „Млаз“, домаќините одиграа одлично во првиот дел и имаа предност од 23:15 на полувреме, но како одминуваше времето во вториот дел, така гостите ја намалуваа негативата.
Сепак, домаќинот не дозволи целосен камбек на гостинската екипа, која во 48-та минута намали на минус два, 30:28.
Во последните десет минути домаќините заиграа поангажирано и си ја завршија денешната задача.
Најефикасен во победничката екипа беше Даниел Андоновски со 11 погодоци, а по седум имаа Лазар Адамовиќ и Ѓорѓе Ѓуриќ. Во гостинскиот табор се истакна Никола Иванов со седум погодоци, а по шест запишаа Матеј Марковски и Бојан Поповски.
Џигероски и Поповски блескаа, Мулти Есенс го доби Вардар Неготино