Вардар потпиша долгогодишен договор со еден од најперспективните млади ракометари во својата генерација, Бобан Поповски, играч кој и покрај младата возраст зад себе веќе има богато искуство и индивидуални и екипни успеси.
Ресенчанецот, кој настапува за прволигашот Мулти Есенс, е кадетски и младински репрезентативец на Македонија.
Десното крило особено се истакна на квалификациите за кадетското европско првенство, каде беше најдобар стрелец, како и на ЕМОФ во Скопје, каде што исто така беше најдобар стрелец во редовите на „црвено-жолтите“
Поповски е изворедно брз, експлозивен и интелигентен играч, кој може да се снајде и како бек, но и како добар асистент, нешто што во тимската игра е многу важно.
Домашните ракометни љубители го знаат и по настапите во Првата лига, таму со својот актуелен клуб се во ТОП 3 екипи, а во тековната сезона на 11 одиграни натпревари постигна 68 погодоци во прволигашкото друштво.
View this post on Instagram