Гевгелија ќе биде домаќин на годинешниот Супер Куп

Ракометната федерација на Македонија (РФМ) одлучи домаќин на годинешното издание од Супер Купот да биде Гевгелија. Во спортската „24 Април“  на 4 септември за трофејот ќе се судрат Еурофарм Пелистер и Алкалоид. Битолчани во ланската сезона ја одбранија титулата во домашниот шампионат, додека тимот од Автокоманда  го освои трофејот во Купот на Македонија, откако во финалето славеше токму на пелистерци и за првпат во својата историја ќе се бори за освојување на Супер Купот. Екипата на Вардар има четири трофеи во Супер Купот, а Еурофарм Пелистер има два, освоени во 2021 и 2022 година. Наскоро од ракометната куќа на Македонија треба да објаваат информации околу билетите за овој предсезонски натпревар.