Иако според пишувањата на „RTHandball“, репрезентативецот на Белорусија, Никита Вајлупов, требаше да заврши во Вардар, искусното десно крило останува во Бенфика.
Белорусинот и раководството на клубот се договорија на нова соработка, која ќе биде со важност најмалку до 2028 година, па реално е да се очекува дека Вајлупов токму во Бенфика ќе ја заврши својата кариера.
По три сезони минати во унгарскиот гигант Веспрем, Вајлупов се одлучи за нов предизвик и летоска потпиша за Бенфика. Иако имаше одредени проблеми поради „спортска виза“, Белорусинот и челниците на клубот успешно ги надминаа административните пречки.
Вардар пред две недели потпиша со десното крило и голем талент Бобан Поповски, па јасно беше дека постои мала можност Вајлупов да го видиме на македонските терени.