Тимот на Радовиш, кој и во новата сезона ќе се обиде да го сочува суперлигашкиот статус, денеска ги претстави дел од новите засилувања.
Нови имиња во клубот се Мартин Димов, кој игра на позиција десно крило, левиот бек Филип Сиљанов, Илија Табаков, кој може да одигра како лев бек и лево крило, сите тројца доаѓаат од Борец од Велес, потоа голманот Даниел Ацев, како и средниот бек Бобан Каковски.
Ацев последниот ангажман го имаше во Грција, додека Каковски, кој пристигнува од Германија, во вториот дел од сезона 2021/22 настапуваше токму за Радовиш.
Клубот ги продолжи договорите со дефанзивецот Филип Костадинов, голманот Александар Ристов, десното крило Филип Трајанов, левиот бек Иванче Ончев и левото крило Славе Јнаковски, а од управата најавија уште неколку нови играчи кои дополнително ќе бидат објавени, па така Радовиш ќе има добар ростер за опстанок во најквалитетното домашно натпреварување.
До стартот на подготовките треба дополнително да се знае кој останува во тимот.