Ракометната федерација на Македонија продолжува со реализација на ракометниот караван, кој досега успешно беше одржан во Охрид, Прилеп и Битола.
Следната станица е Кавадарци, односно спортската сала „Јасмин“, каде што на 29 ноември, со почеток од 12:00 часот, ќе се одржи четвртото издание.
Караванот има за цел да го доближи ракометот до младите, да ја зголеми неговата популарност и да ги инспирира идните ракометни генерации.
Промотери на настанот ќе бидат легедарниот Петар Ангелов Диви и довчерашната репрезентативка Јована Саздовска.