Прво сезонско славје за „фабриката за таленти“

Кошаркарите на Феникс 2010 во натпревар од 3. коло во Првата лига дојдоа до победа против Вардар, славеа со 77:72. За клубот, односно за „фабрика“ за таленти ова беше прв сезонски триумф по двата воведни порази. Најзаслужен за победата на Феникс беше Грент со 25 поени, 9 скока и 3 асистенции, а го следеше Митревски со 17 поени, 4 скока и една асистенција. Кај Вардар, исто така, имаше неколку расположени играчи – Рос и Хемптон имаа по 18 поени, 13 запиша Стивен, а Наков додаде 11.

Што се однесува до натпреварот, двете екипи имаа осилации во одредени периоди. Вардар ја доби првата четвртина (23:18), гостите се вратија во втората четвртина и на полувреме резултатот беше нерешен, 42:42. Во последните 20 минути подобро се снајде Феникс, кој на моменти имаше и седум разлика. Вардар имаше неколку ситуации да се врати во игра, но не успеа да дојде до посакуваната цел.