Екипата на Кожув во рамки од 16. коло од Првата лига на свој терен триумфираше над вицепрвакот Пелистер со 91:73. За клубот од најјужниот македонски град ова беше 10-та победа во новата натпреварувачка сезона и прв триумф над пелистерци по речиси пет години, последниот го имаа кон крајот на месец февруари, 2020 година.
Кошаркарите на Кожув доминираа во текот на целиот натпревар, а гостите од Битола единствено беа подобри во последната четвртфина со 21:20, но тоа нe беше доволно за поблаг пораз. Клучната разлика домашниот тим ја направи во првите дваесетина минути, по 10 минути игра имаше пет поени разлика, 28:23, а втората четвртина ја доби со 24:12, а во еден момент од натпреварот водеше и со 28 поени разлика.
Андрија Стевановиќ имаше шоу на теренот постигнувајќи 31 поен, а го следеше Американецот Вилсон со 16 поени. Во поразениот табор единствено расположени беа Мишковиќ со 19 и Стојановиќ и Бојиќ со по 11 поени.
Работнички го збриша Вардар, МЗТ со камата му наплати на Чаир