Прволигашот Овче Поле денеска го претстави првото засилување за претстојната сезона. Во редовите на клубот од Свети Николе пристигнува Филип Петровски, досегашен член на Драчево Јуниор. Петровски ќе биде големо засилување за Овче Поле, бидејќи може да ги покрие сите бековски позиции.
Во изминатите сезони беше еден од најдобрите стрелци во прволигашката конкуренција, а своите ракометни почетоци ги направи во ракометната школа на Металург.
,,Веруваме дека неговиот квалитет, борбеност и победнички менталитет ќе бидат големо засилување за нашиот тим и ќе придонесат во остварувањето на клупските цели во новата сезона”, напишаа од Овче Поле.
Во следниот период клубот ќе претстави уште неколку засилувања, по што ќе биде познат конечниот ростер за новата сезона, во која Овче Поле ќе атакува на подобар пласман.