По дуелот од 4. коло во Супер лигата во Кавадарци, каде што Вардар ги освои бодовите со победата над Тиквеш од 35:27, Дисциплинската комисија на Ракометната федерација на Македонија (РФМ) одлучи да ги казни двата клуба.
Тиквеш е казнет со 50.000 денари, бидејќи, според одлуката на комисијата, кавадаречкиот клуб потфрлил во организацијата на натпреварот. Во „Јасмин“, покрај домашните навивачи „Лозари“, присуствуваа и најверните навивачи на Вардар – „Комити“.
Скопскиот клуб ќе треба да плати 30.000 денари во касата на РФМ, бидејќи од секторот наменет за неговите навивачи биле фрлани разни предмети на паркетот.
