Македонската репрезентативка Анџелика Митрашиновиќ заедно со екипата на Плештанске Чајки го освоија Купот на Словачка, откако на неутрален терен, во Кошице, славеа над Ружомберок со резултат 68:56. Македонката беше меѓу најдобрите стрелци во победничкиот тим, постигна 11 поени, имаше седум скока и две асистенции.
Митрашиновиќ во редовите на Плештанске Чајки пристигна во минатата сезона и со словачкиот клуб има договор до ова лето.
За актуелниот шампион на Словачка ова беше трет Куп трофеј во својата историја и втор за оваа сезона.