Амбициозниот тим на Маџари во новата сезона ќе има нов предводник на клупата. Клубот од Гази Баба ќе го води познато име, станува збор за Миодраг Тодоровиќ. Кумановецот во својата тренерска кариера има работено како асистент во МЗТ Скопје, односно како помошен селектор во повеќе младински селекции на Македонија. Раководството на Маџари успеа во своите редови да ги донесе Даниел Нацевски, Блажо Митков, Војче Лефковски и Милорад Миновски. Маџари лани се врати во Втората лига и во новата сезона ќе атакува на влез во прволигашкото друштво, а пласман во македонската елита би бил најголемиот успех за култниот скопски кошаркарски клуб.