Македонскиот интернационалец Ангел Кечовски, кој настапува во САД, имаше одлично издание во Џуниор колеџ лигата.
Младинскиот репрезентативец со Окленд Комјунити Колеџ слаавеа над Вејн Комјунити Колеџ со 77-74, а Македонецот одигра клучна улога во победата, постигнувајќи ги последните седум поени.
Поранешниот кошаркар на МЗТ Скопје, Ангели и ФМП, за само 12 минути на теренот, импресионираше со својот настап и го заврши натпреварот со 14 поени, три украдени топки, два скока и една блокада.
Кечовски минатата година, со тимот на средното училиште Сент Мери, се закити со шампионската титула на државното првенство во Мичиген.
Познато е дека Џуниор колеџ лигата претставува отскочна даска за младите кошаркари на почетокот од нивната универзитетска кариера, а доказ за нејзиниот квалитет е тоа што натпреварите редовно ги следат скаути од врвните универзитети.