Машката репрезентација на Македонија во последното коло од квалификациите за пласман на Европското првенство 2026 ќе ја пречека Литванија, која на првото соочување славеше против „црвено-жолтите“. Токму натпреварот против балтичката селекција ќе биде клучен за тоа на која позиција ќе заврши Македонија во првата група.
Словенија, која одамна го обезбеди пласманот на континенталниот собир, е прва со десет бодови, втора е Литванија со шест, Македонија има четири, а Естонија нема освоено бод. Најдобрите две репрезентации од секоја група, како и четирите најдобри третопласирани селекции, ќе обезбедат пласман на Европското првенство следната година. Затоа, на Македонија на неделниот натпревар ќе ѝ биде потребна победа со најмалку два гола разлика за да го освои второто место во групата.
Натпреварот меѓу Македонија и Литванија ќе се одигра во СЦ „Јане Сандански“ со почеток во 18:00 часот, а останати се околу 500 билети.
На овој ЛИНК се достапни билетите за неделниот натпревар.