Екипата на Алкалоид во својата втора сезона на европска сцена ќе се бори за освојување на трофејот во Европскиот куп. Избраниците на Кире Лазаров во финалето ќе се соочат со АЕК Атина.
И покрај тоа што Алкалоид низ целата сезона се соочуваше со бројни повреди, успеа да испише историја на европската сцена и да промовира голем потенцијал – Мартин Ивановски, ракометар кој пристигна во тимот на Лазаров во вториот дел од тековната сезона и веднаш се истакна со одлични настапи.
Добра вест за навивачите на Алкалоид и за сите македонски ракометни љубители е тоа што двата натпревари од финалето ќе се пренесуваат во живо на МРТ.
Првиот дуел меѓу македонскиот и грчкиот претставник ќе се одигра на 18 мај во Атина, со почеток во 18:00 часот, додека реваншот е закажан за 25 мај во СЦ „Борис Трајковски“, со почеток во 20:30 часот.