Тимот на Охрид е освојувач на трофејот на меморијалниот турнир „Крсте Андоновски“, откако во финалето триумфираше против Еурофарм Пелистер со 31:26.
По возбудливото финале, беше прогласен Ол-стар тимот на турнирот, а признанието за МВП, односно најкорисен играч, го доби Анте Иванковиќ.
25-годишниот Хрват, кој во Охрид пристигна од Бундес лигата, беше МВП и на турнирот во Струга, на кој „гладијаторите“ го освоија трофејот. Иванковиќ ја доби наградата и за најдобар лев бек на турнирот покрај езерото.
Исто како и во Струга, така и на турнирот во Охрид, за најдобар голман беше прогласен Бојан Блажески, кој беше и МВП на финалниот меч. Довчерашниот голман на Бутел Скопје на двата турнири покажа дека е големо засилување за амбициозниот проект.
Ол-Стар тимот:
ГОЛМАН – БОЈАН БЛАЖЕСКИ (ОХРИД)
ЛЕВО КРИЛО – МАРКО МАЈСТОРОВИЌ (ТРИМО ТРЕБЊЕ)
ЛЕВ БЕК – АНТЕ ИВАНКОВИЌ (ОХРИД)
СРЕДЕН БЕК – ПАВЛЕ АТАНАСИЈЕВИЌ (ЕУРОФАРМ ПЕЛИСТЕР)
ДЕСЕН БЕК – АНЏЕЈ ВИДОМСКИ (ЕУРОФАРМ ПЕЛИСТЕР)
ДЕСНО КРИЛО – ДАРКО ЃУКИЌ (ОХРИД)
ПИВОТ – ИЛИЈА БОГДАНОВИЌ (ДИНАМО ПАНЧЕВО)
НАЈДОБАР СТРЕЛЦ – ЛАЗАР АНЃЕЛКОВИЌ (ПАРТИЗАН)
МВП – АНТЕ ИВАНКОВИЌ (ОХРИД)