Ресенчанецот Дејан Кукуловски, кој минатата сезона со Охрид го освои ЕХФ Европскиот Куп, имаше одличен старт во дресот на некогашниот европски шампион, тимот на Металопластика Шабац.
Во рамките на 1. коло од српскиот шампионат, тимот на Кукуловски гостуваше кај Југовиќ и успеа да си замине со победа.
Металопластика триумфираше со 25:24, а Кукуловски натпреварот го заврши како најефикасен во победничката екипа, постигнувајќи пет погодоци од шест обиди.
Македонецот запиша и три асистенции, а имаше солидна партија и во дефанзивата.