Македонецот Даниел Мишовски продолжува со одличните настапи за својот нов клуб во Словенија. Младиот голман во натпревар од 5. коло во тамошната М20 лига се покажа во добро светло, а неговиот Драва Птуј славеше над Арконт Радгона со шест гола разлика, 35:29.

Мишовски имаше свој удел во победата, забележувајќи 12 интервенции, од кои една од седум метри. Во претходното коло, против Ормож, македонскиот голман имаше уште подобар учинок, со 14 одбрани.