Македонската сениорска репрезентација денеска ќе го одигра третиот квалификациски натпревар за пласман на Европското првенство 2025. Избраниците на Александар Јончевски ќе бидат домаќини на Литванија, репрезентација која на денешниот натпревар е фаворит против „црвено-жолтите“. Македонија во досегашниот тек од квалификациите има половичен учинок, една победа, она против Полска, и еден пораз, од соседот на Литванија, Естонија.
Македонија на овој натпревар ќе биде ослабена, нема да играат Ненад Димитријевиќ, Итан Хап и Ти-Џеј Шортс. Со евентуална победа над Литванија, нашата репрезентација ќе остане во игра за пласман на ЕП. Второто соочување меѓу Македонија и Литванија, во рамки од ноемврискиот ,,прозорец” на ФИБА, ќе биде на 24 ноември Клаипеда, град добро познат на македонската спортска јавност.
*Доколку немате обезбедно билети за денешниот натпревар, тоа може да го направите на следниов ЛИНК.