Репрезентацијата на Словенија се соочува со големи проблеми пред двомечот со Македонија во квалификациите за Европското првенство 2026.
На селекторот Урош Зорман му откажааа уште тројца ракометари – Ник Хенигман, Миха Кавчиќ и Тадеј Кљун. Првите двајца имаат полесни повреди, но нема да настапат, додека Кљун не успеа да ја добие трката со времето поради проблеми со грбот.
Ова е дополнителен удар за Словенците, кои веќе останаа без средниот бек Миха Зарабец, како и без повредените Нејц Цехте, Клемен Ферлин, Борут Мачковшек, Митја Јанц…
Македонија и Словенија ќе го одиграат првиот натпревар во Скопје на 12 март, во СЦ „Борис Трајковски“, со почеток во 20:00 часот, додека реваншот е закажан за 16 март во „Бонифика“ во Копер, со почеток во 18:30 часот.